Tabiat go‘zalligidan nafas olayotgan Zomin milliy bog‘ining so‘lim tog‘ yonbag‘rlarida ulkan sport tadbiri – ZAAMIN ULTRA 2024 ultramarafoni bo‘lib o‘tdi.

Mobiuz jamoasi an’anaviy tarzda qiziqarli ZAAMIN ULTRA 2024 ultramarafonida ishtirok etib, sog‘lom turmush tarzi va jamoaviy ruhga sodiqligini namoyish etdi. Mazkur tadbir kompaniya nafaqat o‘z xodimlarini qo‘llab-quvvatlabgina qolmay, balki ularning sport tadbirlarida faol ishtirok etishi uchun barcha zarur shart-sharoitlarni yaratib berayotganining yorqin dalili bo‘ldi.

Kompaniya logotipi tushirilgan yorqin qizil formada kiyingan operator xodimlari turli masofalarga ishonch bilan yugurishdi. Ajralib turgan so‘qmoqlar bo‘ylab ham, tik qiyaliklarga ko‘tarilishda ham har bir qadam qat’iyat va o‘ziga ishonchga to‘la edi. Jamoa ahillik bilan harakat qildi, bir-birini qo'llab-quvvatladi va yangi yutuqlarga ilhomlantirdi.

ZAAMIN ULTRA 2024 ultramarafoni Mobiuz jamoasi uchun nafaqat sport musobaqasi, balki qat'iyat, birdamlik va mukammallikka intilishni namoyish qilish imkoniyatiga aylandi. Jamoaning har bir a'zosi o'zini yengib, o'z kuchiga va hamkasblarining qo'llab-quvvatlashiga ishonadiganlar uchun hech qanday to'siq yo'qligini isbotladi.

Jamoaning so‘nggi a’zosi marraga kelganda, barcha ishtirokchilarning qalbini quvonch va g‘urur to‘ldirdi. Ular nafaqat eng qiyin masofalarni bosib o‘tishdi, balki chinakam jamoaviy ruh va bukilmas iroda namunasini ham ko‘rsatdilar. Ko‘krakdagi medallar va yuzlardagi tabassum – bu Mobiuz jamoasi nafaqat yuqori sifatli muloqotni ta’minlabgina qolmay, balki odamlarni umumiy maqsadlar yo‘lida birlashtira olishining eng yaxshi isbotidir.

ZAAMIN ULTRA 2024 ultramarafonida ishtirok – bu Mobiuz o‘z xodimlarining farovonligi haqida qayg‘urayotganining bir misolidir. Kompaniya jamoa ruhi, sog'lig'i va har bir jamoa a'zosining shaxsiy o'sishini mustahkamlashga yordam beradigan shunga o'xshash tashabbuslarni qo'llab-quvvatlashni davom ettirishni rejalashtirmoqda.