2025-yil 1-sentyabrda yurtimiz mustaqilligining 34 yilligini nishonlamoqda - bu eng muhim bayram, erkinlik, birdamlik va kelajakka intilish ramzidir.

Mobiuz mobil aloqa operatori O‘zbekistonning barcha aholisini ushbu qutlug‘ kun bilan chin yurakdan muborakbod etadi!

Har bir xonadonga tinchlik va farovonlik, har bir oilaga quvonch va to‘kin-sochinlik, har bir vatandoshimizga sihat-salomatlik va baxt tilaymiz.

O‘zbekiston mustaqillikning 34 yili mobaynida ulkan taraqqiyot yo‘lini bosib o‘tib, kuchli, zamonaviy va jadal rivojlanayotgan davlatga aylandi. Bularning barchasi xalqimizning fidokorona mehnati, g‘ayrat-shijoati va kelajakka bo‘lgan ishonchi tufayli ro‘yobga chiqdi.

Sevimli O‘zbekistonimiz har kuni yanada yorqinroq, kuchliroq bo‘lib, kelajak avlodlar farovonligi yo‘lida gullab-yashnayversin.

Qadrli vatandoshlar, Mustaqillik kunimiz muborak bo‘lsin!