Mobiuz rahbariyatining abonentlar bilan ochiq uchrashuvlari davom etmoqda. 24-25-sentyabr kunlari Qashqadaryo viloyatida fuqarolar qabuli bo‘lib o‘tdi. Ikki kun davomida kompaniya vakillari viloyat aholisi bilan muloqot qilib, ularning savollariga javob berdilar va mobil aloqa xizmatlaridan foydalanish bilan bog‘liq takliflarni diqqat bilan ko‘rib chiqdilar.

Asosiy e’tibor aloqa va mobil internet sifatiga qaratildi. Abonentlar xizmatlardan kundalik foydalanishda duch keladigan vaziyatlar haqida gapirib berdilar, tarmoq ishlashining o‘ziga xos xususiyatlarini qayd etdilar va qo‘shimcha e’tibor talab qiladigan masalalarni ko‘tardilar.

Jonli muloqot bunday murojaatlarni shunchaki alohida masalalar deb emas, balki kengroq ko‘rib chiqish imkonini beradi. Ularning har biri ortida aniq foydalanuvchi tajribasi yotadi: qayerdadir ulanish barqarorligi va ma’lumotlarni uzatish tezligi, yana qayerdadir esa qulaylik hamda xizmatlarning ishlash sifati alohida ahamiyatga ega.

Ochiq uchrashuvlar har bir hudud va har bir shaharning o‘ziga xos xususiyatlarini hisobga olish naqadar muhimligini yana bir bor ko‘rsatdi. Hatto mavzusi jihatidan o‘xshash murojaatlar ham turli vaziyatlar va abonentlarning kutishlari bilan bog‘liq bo‘lishi mumkin.

Mobiuz uchun ochiq qabul – bu, eng avvalo, kompaniya xizmatlaridan har kuni foydalanadigan insonlar bilan to‘g‘ridan-to‘g‘ri muloqotdir. Aynan shunday aniq murojaatlar asosida foydalanuvchilarning kutilmalari va kelgusida e’tibor qaratilishi muhim bo‘lgan yo‘nalishlar haqida to‘liq tushuncha shakllanadi.