Mobiuz mobil aloqa operatori o‘z tarmoqlariga Huawei kompaniyasining PowerStar innovatsion energiya tejash texnologiyasini joriy etdi. Ushbu tizim aloqa sifatini pasaytirmasdan, tayanch stansiyalarda elektr energiyasi sarfini sezilarli darajada kamaytirish imkonini beradi.

Bu qanday ishlaydi?

Siz qo‘ng‘iroq qilganingizda yoki internetdan foydalanganingizda, signal tayanch stansiyalari orqali o‘tadi. Bu stansiyalar uzluksiz ishlaydi va ko‘p energiya talab qiladi. PowerStar tufayli ular tarmoq yuklamasi minimal bo‘lgan paytlarda avtomatik ravishda "uyqu rejimi"ga o‘tadi. Zarurat tug‘ilganda esa tezda qayta faollashadi.

Bu bitta tayanch stansiyasida o‘rtacha 9 foizgacha elektr energiyasini tejash imkonini beradi. Buning natijasida CO₂ chiqindilari va tabiatga bo‘lgan yuklama kamayadi. Shu bilan birga, aloqa sifati yuqori darajada saqlanib qoladi, chunki aqlli yechimlar abonentlarning haqiqiy ehtiyojlariga moslashadi.

PowerStar butun dunyo bo‘ylab o‘nlab operator tarmoqlarida, jumladan, Xitoy, Janubiy Afrika, Kambodja va boshqa mamlakatlarda muvaffaqiyatli qo‘llanilmoqda. Bu yirik operatorlarga aloqa sifatini saqlab qolgan holda elektr energiyasini tejash va uglerod izini kamaytirishga yordam beradigan global tarmoq uchun samarali yechimdir.

Loyiha Mobiuz tarmoqlarida qanday amalga oshirildi?

Mobiuz ESG tamoyillari doirasida PowerStar’ni qo‘llashni boshladi. Uni joriy etish 2024-yil sentyabr oyida Surxondaryo viloyatidagi bir qator tayanch stansiyalarida yo‘lga qo‘yildi.

Muvaffaqiyatli sinovlardan so‘ng, respublika bo‘ylab joriy etilishi zarur bo‘lgan tayanch stansiyalarda tizim ishga tushirildi. Hozirda PowerStar 3000 dan ortiq tayanch stansiyada elektr energiyasini samarali boshqarmoqda va bu oyiga o‘rtacha 300 ming kVt/soatdan ortiq elektr energiyasini tejash imkonini bermoqda.

PowerStar yana bir bor shuni isbotlaydiki, hatto yirik texnologiyalar ham tejamkor bo‘lishi mumkin. Mobiuz uchun bu shunchaki modernizatsiya emas. Bu ongli o‘sish falsafasidir: aloqa ishonchli, texnologiyalar oqilona, rivojlanish esa mas’uliyatli bo‘lishi lozim.

"Biz uchun nafaqat aloqa sifati, balki atrofimizdagi dunyoga qanday ta’sir ko‘rsatayotganimiz ham muhim. Texnologiyalar ham insonlar, ham atrof-muhit uchun foydali bo‘lishi kerak. PowerStar bizga zamonaviy, mas’uliyatli va barqaror bo‘lishga yordam beradi," - deya ta’kidlashdi Mobiuz vakillari.

Mobiuz aloqani nafaqat ishonchli, balki yanada ekologik va texnologik qiladigan ilg‘or yechimlarni joriy etishni davom ettiradi.

Ilgariroq kompaniya butun respublika bo‘ylab o‘z ofislarida quyosh fotoelektr stansiyalari o‘rnatilgani, shuningdek, IQ Air havo sifati sensorlari o‘rnatilgani haqida xabar bergan edi.